Se a Acrópole de Atenas contou cos dedos de Fidias para modelar as esculturas do Partenón, aquí esculpiron as formas máxicas os dedos invisibles do vento.
En 1835 o Instituto Xeolóxico e Mineiro de España declarou aos Penedos de Pasarela e Traba Formas Singulares no primeiro mapa xeolóxico de Galicia elaborado polo xeólogo Guillermo Schulz. Tras anos de xestións, o Seminario de Estudos Comarcais e outros colectivos lograron que a Xunta de Galicia declarase Paisaxe Protexida esta paraxe.
O Seminario de Estudos Comarcais da Costa da Morte cumpriu coa promesa da realización dun DVD sobre estes Penedos, esperando que este sirva, por unha parte para dar a coñecer esta singular paraxe, e pola outra para recordarlles ós poderes públicos as obrigas contraídas (protección, limpeza, recuperación, rexeneración, promoción etc.).
No guión faise un percorrido por estas formacións xeolóxicas, con especial detemento nalgunhas das pedras máis significativas; nárrase a historia recente da paraxe, que estivo en constante perigo de destrución polos sucesivos intentos de abrir nela unha canteira (especialmente en 1997 e 2006). A loita de colectivos ecoloxistas da Costa da Morte e de toda Galicia logrou salvala.
Ficha artística
Dirección e guión: / Xosé María Lema / Roberto Mouzo
Narración: / Matías Brea
Imaxe: / Marcos Gallego
Edición e posprodución: / Manu G. Torre
Axudante de posprodución: / Noelia Rúa
Imaxes portada e contraportada: Roberto Mouzo
Fotos: Xosé María Lema / Roberto Mouzo
Mapas: Laboratorio Xeolóxico de Laxe / Roberto Mouzo
Tradución ao castelán: Marta Rei Lema / Xosé María Rei Lema
Ficha técnica
Produtora / Servicios Audiovisuais Galegos SAGA TV, S.L.
Subvención ou axuda pública / Deputación da Coruña
Titulo orixinal: Os Penedos de Pasarela e Traba, a arte dos dedos no tempo.
Tipo: Documental
Xénero: Cultural
Produción propia
Realizada a cor
Duración: 23′
Orixe: Galicia
Ano: 2011
Idioma V.O.: Galego
Subtitulada: Castelán
Se queres adquirir esta obra contacta con nós en info@semescom.gal